<p style="text-align: justify;"><strong>Fly dubai Incident Marathi News:</strong> "मला नमाज पठण करायचे आहे," असे सांगून अचानक कॉकपिटमध्ये (Cockpit) कुऱ्हाडीने हल्ला करणाऱ्या को-पायलटचा कट फ्लाय दुबईच्या (Fly dubai) धाडसी भारतीय पायलटने प्राणांची बाजी लावून उधळून लावला. फ्लाय दुबईचे भारतीय कॅप्टन स्मित मच्छार (Smit machchhar) यांनी अबू धाबी येथील रुग्णालयातून (Hospital) इस्रायलचे (Israel) पंतप्रधान बेंजामिन नेतन्याहू (Benjamin Netanyahu) यांच्याशी व्हिडिओ कॉलवर (Video Call) बोलताना 30 सप्टेंबर रोजी विमानात घडलेल्या त्या भयावह प्रसंगाची आपबिती सांगितली.</p>
<h3 style="text-align: justify;"><strong>Fly dubai Incident Marathi News: नमाज पठणाच्या बहाण्याने मागून हल्ला</strong></h3>
<p style="text-align: justify;">कॅप्टन स्मित मच्छार यांनी दिलेल्या माहितीनुसार, विमानाचे उड्डाण अत्यंत सामान्य पद्धतीने सुरू होते. अचानक ओमानच्या को-पायलटने प्रार्थना (नमाज) करण्याची इच्छा व्यक्त केली. स्थानिक लोकांमध्ये ही सामान्य गोष्ट असल्याने कॅप्टन मच्छार यांनी आदरांजली म्हणून मान दुसरीकडे वळवून समोर पाहायला सुरुवात केली. मात्र, अवघ्या 4-5 मिनिटांतच को-पायलटने पाठीमागून त्यांच्या डोक्यावर कुऱ्हाडीने जोरदार वार केला. सुरुवातीला विमानात काही तांत्रिक बिघाड झाल्याचे मच्छार यांना वाटले, परंतु एकामागोमाग एक होणाऱ्या हल्ल्यांमुळे को-पायलटच जीवघेणा हल्ला करत असल्याचे त्यांच्या लक्षात आले.</p>
<h3 style="text-align: justify;"><strong>Fly dubai Incident Marathi News: अतिवेगाने खाली येत होते विमान</strong></h3>
<p style="text-align: justify;">हल्ल्यामुळे रक्ताच्या थारोळ्यात पडलेल्या कॅप्टन मच्छार यांची दृष्टी धूसर झाली होती. त्याच वेळी विमान अतिशय वेगाने खाली जात असल्याचे त्यांना जाणवले. फ्लाईट रडारच्या माहितीनुसार, अवघ्या 2 मिनिटांत हे विमान 17,000 फुटांपेक्षा जास्त खाली आले होते. विमानातून प्रवाशांच्या किंचाळण्याचा आणि हवेचा प्रचंड आवाज येत होता.</p>
<h3 style="text-align: justify;"><strong>Fly dubai Incident Marathi News: शेवटची संधी अन् 174 प्रवाशांचे वाचले प्राण</strong></h3>
<p style="text-align: justify;">कॉकपिटच्या जमिनीवर पडलेले असतानाच कॅप्टन मच्छार यांना जाणीव झाली की, विमान दुर्घटनेपासून वाचवण्याची हीच शेवटची संधी आहे. त्यांनी संपूर्ण ताकद पणाला लावून कॉकपिटचा बंद असलेला दरवाजा आतून उघडला. दरवाजा उघडताच बाहेर वाट पाहणाऱ्या प्रवाशांनी आणि कर्मचाऱ्यांनी तत्परता दाखवत कॉकपिटमध्ये प्रवेश केला अन् माथेफिरू को-पायलटला ताब्यात घेतले. विमानाचे इमर्जन्सी लँडिंग सौदी अरेबियातील तबुक येथे करण्यात आले.</p>
<h3 style="text-align: justify;"><strong>Fly dubai Incident Marathi News: पंतप्रधान मोदी अन् नेतन्याहूंकडून कौतुक</strong></h3>
<p style="text-align: justify;">इस्रायलचे पंतप्रधान बेंजामिन नेतन्याहू यांनी कॅप्टन स्मित मच्छार यांच्या अतुलनीय शौर्याचे कौतुक करत त्यांना भारत, इस्रायल आणि जगाचा हिरो असे संबोधले. तसेच इस्रायलच्या आगामी स्वातंत्र्यदिन सोहळ्यात मशाल प्रज्वलित करण्यासाठी आमंत्रित केले आहे. याआधी पंतप्रधान नरेंद्र मोदी (<a title="PM Narendra Modi" href="https://marathi.abplive.com/topic/pm-narendra-modi" data-type="interlinkingkeywords">PM Narendra Modi</a>) यांनीही फोनवरून मच्छार यांच्या प्रकृतीची विचारपूस करत त्यांच्या धैर्याचे कौतुक केले होते.</p>
<h3 style="text-align: justify;"><strong>राज्य आणि देश-विदेशातील महत्त्वाच्या बातम्या; पाहा व्हिडीओ</strong></h3>
<p style="text-align: justify;"><iframe title="YouTube video player" src="https://www.youtube.com/embed/a5B0FhXuLoY?si=MsmZ4Ga56splxC0K" width="560" height="315" frameborder="0" allowfullscreen="allowfullscreen"></iframe></p>
<p style="text-align: justify;"><strong>आणखी वाचा</strong></p>
<p class="abp-article-title" style="text-align: justify;"><strong><a href="https://marathi.abplive.com/news/world/fly-dubai-incident-marathi-news-details-emerge-about-the-co-pilot-who-attacked-captain-smith-machchhar-name-revealed-after-three-days-1441060">Fly dubai Incident Marathi News: ओमानमध्ये बंदी, बॅगमध्ये फ्री पॅलेस्टाईनच्या चिठ्ठ्या...कॅप्टन स्मिथवर हल्ला करणाऱ्या सह-वैमानिकाबाबत हादरवणारी माहिती, 3 दिवसांनी नाव उघड</a></strong></p>
<p style="text-align: justify;"> </p>
3 weeks ago
4 
