<p style="text-align: justify;"><strong>Nepal Floods Marathi News:</strong> नेपाळ-तिबेट सीमेवर (Nepal-Tibet Border) 26 ऑगस्ट रोजी झालेल्या भीषण ढगफुटी (Cloudburst) आणि महापुरामुळे (Flash Floods) प्रचंड हाहा:कार उडाला आहे. या नैसर्गिक आपत्तीत अडकलेल्या 166 भारतीय नागरिकांना आतापर्यंत सुखरूप बाहेर काढण्यात यश आले आहे, मात्र तब्बल 275 भारतीय नागरिक (Indian citizens) अद्याप बेपत्ता आहेत. परराष्ट्र मंत्रालयाने (Ministry of External Affairs) आयोजित पत्रकार परिषदेत ही अधिकृत माहिती दिली. दरम्यान, चीनच्या तिबेट स्वायत्त क्षेत्रात अडकलेले 1,907 भारतीय नागरिक सुरक्षितपणे नेपाळच्या हद्दीत परतले असल्याचे प्रशासनाने स्पष्ट केले आहे.</p>
<p style="text-align: justify;">नेपाळी अधिकाऱ्यांनी दिलेल्या माहितीनुसार, पूरग्रस्त भागातून अधिक मृतदेह बाहेर काढल्यानंतर या महापुरातील मृतांचा आकडा 1344 वर पोहोचला आहे. आतापर्यंत 12,000 हून अधिक लोकांना सुरक्षितस्थळी हलवण्यात आले असून, अजूनही सुमारे 5,000 नागरिक बेपत्ता आहेत. ढिगाऱ्याखाली आणि पुराच्या पाण्यात अडकलेल्यांचा शोध घेण्यासाठी स्थानिक प्रशासन आणि आपत्ती व्यवस्थापन पथके रात्रंदिवस शोधमोहीम राबवत आहेत.</p>
<h3 style="text-align: justify;"><strong>Nepal Floods Marathi News: 275 भारतीय नागरिक अजूनही बेपत्ता</strong> </h3>
<p style="text-align: justify;">परराष्ट्र मंत्रालयाचे प्रवक्ते रणधीर जयस्वाल यांनी सांगितले की, "अजूनही 275 भारतीय नागरिक बेपत्ता असून आम्ही नेपाळ सरकारशी सतत संपर्कात आहोत. चीनच्या तिबेट भागात आता एकही भारतीय नागरिक अडकलेला नाही, याला चिनी अधिकाऱ्यांनी दुजोरा दिला आहे."</p>
<blockquote class="twitter-tweet">
<p dir="ltr" lang="en">Death toll in Nepal floods rises to 1344, says Nepal Police <a href="https://t.co/tQxIy8nptE">pic.twitter.com/tQxIy8nptE</a></p>
— ANI (@ANI) <a href="https://x.com/ANI/status/2096052102502236664?ref_src=twsrc%5Etfw">September 5, 2026</a></blockquote>
<p style="text-align: justify;">
<script src="https://platform.x.com/widgets.js" async="" charset="utf-8"></script>
</p>
<h3 style="text-align: justify;"><strong>Nepal Floods Marathi News: भारताकडून मदतीचा हात</strong></h3>
<p style="text-align: justify;">संकटसमयी शेजारील धर्माला जागत भारताने नेपाळसाठी मोठी मदत रवाना केली आहे. भारताने आतापर्यंत सुमारे 95 टन अन्नधान्य, औषधे आणि वैद्यकीय साहित्य नेपाळला पाठवले आहे. नेपाळच्या विनंतीवरून 54 तज्ज्ञांचे विशेष पथक तैनात करण्यात आले आहे. यामध्ये 30 बोगदा बचाव तज्ज्ञ, 19 फॉरेन्सिक तज्ज्ञ आणि 5 वैद्यकीय अधिकाऱ्यांचा समावेश आहे. तातडीची गरज म्हणून अतिरिक्त फॉरेन्सिक किट्स, बेली ब्रिज आणि इतर तांत्रिक साहित्य लवकरच पाठवले जाणार आहे. भारतीय बचाव आणि वैद्यकीय पथके सध्या नेपाळच्या प्रशासनासोबत थेट घटनास्थळावर उतरून बचावकार्यात मोलाचे योगदान देत आहेत.</p>
<p style="text-align: justify;"><strong>इतर महत्त्वाच्या बातम्या </strong></p>
<p class="abp-article-title" style="text-align: justify;"><strong><a href="https://marathi.abplive.com/news/world/nepal-floods-marathi-news-50-crore-gold-cash-in-multiple-boxes-and-silver-reasure-emerged-from-the-nepal-floods-marathi-news-1437433">Nepal Floods Marathi News: 50 कोटींचे सोने, अनेक पेट्यांमध्ये रोकड आणि चांदी; नेपाळच्या पुरातून निघाला खजिना, पुढे काय घडलं?</a></strong></p>
<p class="abp-article-title" style="text-align: justify;"><strong><a href="https://marathi.abplive.com/news/world/mass-burial-of-unidentified-bodies-from-the-devastating-floods-in-nepal-graves-dug-in-devghat-forest-1437431">Nepal Flash Flood: नेपाळमधील विनाशकारी पुरात ओळख न पटलेल्या मृतदेहांचे सामूहिक दफन; देवघाट जंगलात शेकडो कबरी खोदल्या, अजूनही 3 हजार बेपत्ता</a></strong></p>
1 month ago
9 
