<p style="text-align: justify;"><strong><a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a></strong> : जगभरात अत्यंत प्रतिष्ठेच्या मानल्या जाणाऱ्या नोबेल पुरस्कारांची (Nobel Prize 2026) घोषणा सुरू झाली आहे. यातील रसायनशास्त्र (Chemistry) विषयातील नोबेल पुरस्काराची घोषणा बुधवारी करण्यात आली. यंदाचा रसायनशास्त्रातील नोबेल पुरस्कार फ्रान्सचे शास्त्रज्ञ हेन्री बी. कागन (Henri B. Kagan) आणि जपानचे शास्त्रज्ञ केन्सो सोई (Kenso Soai) यांना संयुक्तपणे जाहीर झाला आहे. 'नॉन लिनियर इफेक्ट्स' (Non-linear effects in asymmetric organic synthesis) आणि 'स्व-उत्प्रेरण' (Autocatalysis) या क्षेत्रातील त्यांच्या क्रांतीकारी शोधासाठी रॉयल स्वीडिश अकादमी ऑफ सायन्सेसकडून हा सर्वोच्च बहुमान देण्यात आला आहे.</p>
<h2 style="text-align: justify;"><strong>Nobel Committee Statement : 'रसायनशास्त्रातील 100 वर्षे जुने रहस्य उलगडले'</strong></h2>
<p style="text-align: justify;">नोबेल रसायन समितीचे अध्यक्ष हेनर लिंके यांनी या शोधाचे महत्त्व सांगताना सांगितले की, "हेन्री कागन आणि केन्सो सोई यांनी रसायनशास्त्रातील सुमारे एक शतकापेक्षा अधिक काळ प्रलंबित असलेले मोठे रहस्य उलगडले आहे. निसर्गात किंवा रासायनिक प्रक्रियेत 'समरूपता' (Symmetry) स्वतःहून कशी निर्माण होऊ शकते, याचा अचूक शोध त्यांनी लावला आहे."</p>
<p style="text-align: justify;">त्यांनी विकसित केलेल्या रासायनिक अभिक्रिया अत्यंत अद्भुत आणि विज्ञान जगताला नवी दिशा देणाऱ्या आहेत, असेही नोबेल समितीने स्पष्ट केले.</p>
<blockquote class="twitter-tweet">
<p dir="ltr" lang="en">BREAKING NEWS The Royal Swedish Academy of Sciences has decided to award the 2026 #NobelPrize in Chemistry to Henri B. Kagan and Kenso Soai “for the discovery of non-linear effects and autocatalysis in asymmetric organic synthesis.” https://t.co/nH090ql1Xc</p>
— The Nobel Prize (@NobelPrize) <a href="https://x.com/NobelPrize/status/2107769910742987075?ref_src=twsrc%5Etfw">October 7, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<h2 style="text-align: justify;"><strong>Henri B Kagan And Kenso Soai Profile : कोणत्या देशाचे आहेत हे दोन्ही शास्त्रज्ञ?</strong></h2>
<p style="text-align: justify;">या पुरस्कारातील विजेते हेन्री बी. कागन हे मूळचे फ्रान्सचे असून ते 'युनिव्हर्सिटी पेरिस-सुड' (Université Paris Sud) शी संबंधित आहेत. तर दुसरे विजेते केन्सो सोई हे जपानचे 95 वर्षीय ज्येष्ठ शास्त्रज्ञ असून ते 'टोकियो युनिव्हर्सिटी ऑफ सायन्स' (Tokyo University of Science) येथे कार्यरत आहेत. या पुरस्काराचे स्वरूप 12 दशलक्ष स्वीडिश क्रोनर (सुमारे 10 कोटी रुपये) आणि सुवर्णपदक असे असून, ही रक्कम या दोन्ही शास्त्रज्ञांमध्ये समान वाटून दिली जाणार आहे.</p>
<h2 style="text-align: justify;"><strong>Nobel Prize Schedule 2026 : नोबेल पुरस्कारांचे वेळापत्रक</strong></h2>
<p style="text-align: justify;">यंदाच्या नोबेल पुरस्कारांची सुरुवात वैद्यकशास्त्राने (Medicine) झाली, ज्यामध्ये मेंदूचे कार्य समजून घेण्याच्या तंत्रज्ञानासाठी तीन शास्त्रज्ञांना पुरस्कार मिळाला. मंगळवारी भौतिकशास्त्राचा (Physics) पुरस्कार न्युट्रिनोच्या शोधासाठी देण्यात आला.</p>
<p style="text-align: justify;">बुधवारी रसायनशास्त्राची घोषणा झाल्यानंतर आता गुरुवारी साहित्यातील (Literature) नोबेल, शुक्रवारी शांततेचा (Peace) नोबेल आणि आगामी सोमवारी अर्थशास्त्रातील (Economics) नोबेल पुरस्कारांची घोषणा केली जाणार आहे.</p>
<p style="text-align: justify;"><strong>ही बातमी वाचा:</strong></p>
<ul>
<li style="text-align: justify;"><a href="https://marathi.abplive.com/news/world/who-is-hamam-alhamami-omani-fly-dubai-co-pilot-attack-indian-captain-smit-machchhar-dubai-tel-aviv-flight-israel-crash-plot-marathi-news-1441102"><strong>Who is Hamam Al-Hamami: कॅप्टन स्मित मच्छार यांच्यावर हल्ला करणारा हमाम अलहमामी कोण? इस्रायलमध्ये विमान क्रॅश करण्याचा होता प्लॅन</strong></a></li>
</ul>
3 weeks ago
4 
