<p class="PlaygroundEditorTheme__paragraph" style="text-align: justify;"><strong>Bhandara Accident News:</strong> मध्यप्रदेशातील बालाघाट<span class="transliteration">चे</span> भाजप खासदार भारती पारधी (BJP MP Bharti Pardhi) यांच्या वाहनानं तुमसर-रामटेक या राष्ट्रीय महामार्गावर दुचाकीस्वार दोघांना चिरड<span class="transliteration">ल्याची</span> (Car Accident) <span class="transliteration">घटना</span> <span class="transliteration">घडली</span> <span class="transliteration">आहे</span>. या भीषण अपघातात दुचाकीवरील दोघेही गंभीर जखमी झाले. <span class="transliteration">परिणामी</span> त्यांना तातडीनं भंडारा येथील खाजगी रुग्णालयात दाखल करण्यात आलं आहे. सुरजित सिंग आणि तसमिरा मेहरा असं या अपघातात गंभीर जखमींचं नावं आहे. <span class="transliteration">मिळालेल्या</span> <span class="transliteration">माहिती</span><span class="transliteration">नुसार</span>, दोन्ही जखमी हे पंजाब मधील असून <a title="भंडारा" href="https://marathi.abplive.com/topic/bhandara" data-type="interlinkingkeywords">भंडारा</a> जिल्ह्यात भात कापणीसाठी हार्वेस्टरवर मजूर म्हणून आलेले आहेत. बालाघाटच्या खासदार भारती पारधी या स्वतः या अपघातग्रस्त वाहनातून बालाघाट येथून नागपूरच्या दिशेनं प्रवास करीत असताना हा अपघात <span class="transliteration">झाल्याची</span> <span class="transliteration">माहिती</span> <span class="transliteration">आहे</span>. भंडाऱ्याच्या तुमसर तालुक्यातील उसर्रा इथं <span class="transliteration">हा</span> <span class="transliteration">अपघात</span> घडला <span class="transliteration">आहे</span>. (BJP MP Bharti Pardhi Car Accident) </p>
<p class="PlaygroundEditorTheme__paragraph" style="text-align: justify;"><span class="transliteration">दरम्यान</span>, याप्रकरणी आंधळगाव पोलिसांनी गुन्हा दाखल करत अपघातग्रस्त वाहन ताब्यात घेतल असून <span class="transliteration">पुढील</span> घटनेचा तपास <span class="transliteration">पोलीस</span> <span class="transliteration">करत</span> <span class="transliteration">आहे</span>. <span class="transliteration">मात्र</span> <span class="transliteration">या</span> <span class="transliteration">घटनेनं</span> <span class="transliteration">काही</span><span class="transliteration">काळ</span> <span class="transliteration">परिसरात</span> <span class="transliteration">वाहतूक</span> <span class="transliteration">अडथळा</span> <span class="transliteration">निर्माण</span> <span class="transliteration">झाला</span> <span class="transliteration">होता</span>. <span class="transliteration">व</span> <span class="transliteration">बघ्यांनी</span> <span class="transliteration">एकच</span> <span class="transliteration">गर्दी</span> <span class="transliteration">केल्याने</span> <span class="transliteration">परिसरात</span><span class="transliteration">ही</span> <span class="transliteration">खळबळ</span> <span class="transliteration">उडाली</span> <span class="transliteration">होती</span>.</p>
<p style="text-align: justify;"><strong>Crime: शासकीय धान्य गोडाऊनमधून 361 कट्टे तांदळाची चोरी; सडकअर्जुनी कृषी उत्पन्न बाजार समितीच्या सचिवासह 11 जणांना अटक</strong></p>
<p style="text-align: justify;">भंडाऱ्याच्या साकोली येथील शासकीय धान्य गोडाऊन मधून 361 कट्टे तांदळाचे चोरी झाल्याचं प्रकरण समोर आलं होतं. याप्रकरणी साकोली पोलिसांनी मोठ्या रॅकेटचा छडा लावला असून 11 जणांना अटक केली आहे. विशेष म्हणजे, या ११ जणांमध्ये धान्य गोडाऊनमध्ये हमालीचं काम करणारे मजूर आणि गोंदिया जिल्ह्यातील सडक अर्जुनीच्या कृषी उत्पन्न बाजार समितीचे सचिव आणि सहकार क्षेत्रात विविध महत्त्वाच्या पदावर असलेल्या राईस मिल संचालक संजय पुस्तोडे याचा समावेश आहे. साकोली शहरातील या शासकीय धान्य गोडाऊनमधून एका पिकअप वाहनाच्या माध्यमातून या धान्याची वेगवेगळ्या दिवशी चोरी केल्याचं प्रकरण आता पोलीस तपासात समोर आलं आहे.</p>
<p style="text-align: justify;">चोरीची ही घटना उघडकीस आल्यानंतर शासकीय धान्य गोडाऊनचे व्यवस्थापक दीपक चौधरी यांच्या तक्रारीवरून साकोली पोलिसांनी सीसीटीव्ही फुटेज तपासणी करून या रॅकेटचा छडा लावला. तपासा दरम्यान <a title="गोंदिया" href="https://marathi.abplive.com/topic/gondia" data-type="interlinkingkeywords">गोंदिया</a> जिल्ह्यातील गिरोला हेटी येथील राईस मिल संचालक तथा सडक अर्जुनी कृषी उत्पन्न बाजार समितीचे संचालक संजय पुस्तोडे याला ताब्यात घेतल्यानंतर चौकशीत हा संपूर्ण प्रकार समोर आला. याप्रकरणी साकोली पोलिसांनी आता पिकअप वाहनासह चोरीला गेलेला 5 लाख 41 हजार 500 रुपयांचा तांदूळ जप्त केला आहे. </p>
<p style="text-align: justify;"><strong>इतर महत्वाच्या बातम्या </strong></p>
<ul>
<li class="abp-article-title"><strong><a href="https://marathi.abplive.com/news/politics/nagpur-graduate-constituency-election-2026-top-bjp-leaders-are-making-vigorous-efforts-to-quell-the-rebellion-nitin-gadkari-called-anil-sole-bjps-anxiety-has-increased-marathi-news-1441766">Nagpur BJP: बंडोबांना थंड करण्यासाठी भाजपच्या वरिष्ठांचाही जोरदार प्रयत्न; नितीन गडकरींचा अनिल सोलेंना फोन, पण...; नागपूर पदवीधर मतदारसंघात भाजपचं टेन्शन वाढलं</a></strong></li>
</ul>
<p><iframe title="YouTube video player" src="https://www.youtube.com/embed/-O1qXhXThmY?si=k29D2vmLhx77srZ-" width="560" height="315" frameborder="0" allowfullscreen="allowfullscreen"></iframe></p>
3 weeks ago
4 
