<p style="text-align: justify;"><strong>Bipasha Basu Asked Help FDA Commissioner Tukaram Mundhe:</strong> बॉलिवूड (Bollywood News) अभिनेत्री (Bollywood Actress) बिपाशा बासू (Bipasha Basu) हिच्यासोबत एक धक्कादायक प्रकार घडलाय. तिनं तिच्या इन्स्टाग्राम स्टोरीवर शेअर केलेल्या एका व्हिडीओनं सर्वांच्या पायाखालची जमीन सरकली आहे. बिपाशा बसुनं एक न्यूट्रिशन प्रोडक्टचा व्हिडीओ शेअर केला आहे. ज्यामध्ये छोट्या-छोट्या अळ्या दिसतायत. बिपाशानं आपला व्हिडीओ थेट महाराष्ट्र अन्न व औषध प्रशासनाचे (FDA) आयुक्त तुकाराम मुंडे यांना टॅग केलाय आणि या भेसळीच्या किंवा दूषित उत्पादनाच्या प्रकाराबाबत त्यांच्या मदतीची विनंती केलीय. भेसळयुक्त आणि निकृष्ट दर्जाच्या उत्पादनांविरुद्ध कठोर कारवाई करावी, असं आवाहनही अभिनेत्री बिपाशा बासूनं तुकाराम मुंढे यांना केलं आहे. यापूर्वी, श्वेता तिवारी हिनं ऑनलाइन मागवलेल्या ड्रिंकमध्ये झुरळ आढळलं होतं. तेव्हा तिनंही अशा निष्काळजीपणाविरुद्ध कारवाई करण्यासाठी महाराष्ट्र एफडीए आयुक्तांकडे दाद मागितली होती.</p>
<p style="text-align: justify;">बॉलिवूड अभिनेत्री बिपाशा बासू हिनं एका न्यूट्रिशन प्रॉडक्टबाबत महाराष्ट्राचे एफडीए (FDA) अधिकारी तुकाराम मुंढे यांना टॅग करुन एक पोस्ट केली आहे. तिनं व्हिडीओ शेअर करत एक गंभीर दावा केलाय की, तिला प्रोटीन पावडरमध्ये अळ्या आढळून आल्या आहेत. अभिनेत्रीनं तिच्या इन्स्टाग्राम स्टोरीवर एक व्हिडीओ पोस्ट केला असून, त्यात तिनं प्रोटीन पावडर आणि त्यातल्या अळ्या दाखवल्या आहेत. </p>
<p style="text-align: justify;"><img src="https://feeds.abplive.com/onecms/images/uploaded-images/2026/09/11/2a6d1aa78bb8662022038134a52df87e178909863021688_original.jpeg" width="188" height="333" /></p>
<p style="text-align: justify;"><strong>बिपाशानं शेअर केला धक्कादायक VIDEO</strong></p>
<p style="text-align: justify;">या व्हिडीओमध्ये, बिपाशा प्रोटिन पावडर एका ग्लासमध्ये ओतते आणि त्यातील लहान अळ्या दाखवते. तिनं असं स्पष्ट केलंय की, तिनं नुकतंच ते कंटेनर उघडलेलं आणि त्यात तिला मोठ्या संख्येनं अळ्या आढळल्या होत्या. बिपाशा बासू एका कीटकाला आपल्या बोटावर घेऊन त्याचा 'क्लोज-अप' शॉट दाखवते. बिपाशा बासू हिनं तिच्या पोस्टमध्ये तुकाराम मुंढे यांना टॅग केलं असून, त्यांना यावर कारवाई करण्याची विनंती केली आहे. पण, बिपाशा बासू हिनं व्हिडीओ शेअर करत केलेल्या दाव्याची अद्याप स्वतंत्रपणे पडताळणी झालेली नाही.</p>
<p style="text-align: justify;"><img src="https://feeds.abplive.com/onecms/images/uploaded-images/2026/09/11/9461787f5432df50840c66517eeb33a5178909865470388_original.jpeg" width="189" height="332" /></p>
<p style="text-align: justify;">बिपाशा बासूनं व्हिडीओ शेअर करत लिहिलंय की, "तुकारामजी, आम्हाला भेसळयुक्त अन्नपदार्थ किंवा निकृष्ट दर्जाची उत्पादनं मिळू नयेत, यासाठी आता तुम्हीच आमची शेवटची आशा आहात..." अभिनेत्रीचा व्हिडीओ पाहून युजर्सना धक्का बसलाय. या तक्रारीच्या अनुषंगानं एफडीएनं (FDA) संबंधित न्यूट्रिशन ब्रँडवर काही कारवाई केली आहे की नाही, याबद्दल कोणतीही माहिती समोर आलेली नाही. </p>
<p style="text-align: justify;"><strong>तुकाराम मुंढेंच्या धडक कारवायांची महाराष्ट्रभरात चर्चा</strong></p>
<p style="text-align: justify;"><a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a> अन्न सुरक्षा विभागाचे (FDA) प्रमुख तुकाराम मुंढे (Tukaram Mundhe) सध्या त्यांच्या कामामुळे चर्चेत आहेत. त्यांच्या प्रयत्नांचं सर्वत्र कौतुक होतंय. त्यांची कामाची पद्धत पाहून अनेकजण त्यांना रिअल-लाइफ हिरो असंही संबोधत आहेत. त्यांनी अन्नातील भेसळ आणि रेस्टॉरंटमधील अस्वच्छता याविरोधात कठोर पावलं उचलली आहेत. विविध रेस्टॉरंट्सची तपासणी करून, त्यांनी अन्नसुरक्षेच्या मानकांचं कशा प्रकारे उल्लंघन केलं जातंय, हे निदर्शनास आणून दिलं आणि कठोर पावलं उचलून कारवाई केली. त्यांनी राज्यभरात राबवलेल्या धडक कारवायांच्या मोहीमेचं सर्वच स्तरांतून कौतुक केलं जातंय. </p>
<p style="text-align: justify;">बिपाशा बासूच्या वर्कफ्रंटबाबत बोलायचं तर, बॉलिवूडच्या प्रसिद्ध अभिनेत्रीनं लग्नानंतर आणि आई झाल्यानंतर इंडस्ट्रीपासून अंतर राखलं असून, गेल्या काही वर्षांत तिनं सिनेसृष्टीत फारसा वावर ठेवलेला नाही. 2020 मध्ये प्रदर्शित झालेल्या 'डेंजरस' (Dangerous) सीरिजमध्ये ती अखेरची दिसलेली. बिपाशानं अभिनयातून काहीसा ब्रेक घेतला असला, तरी तिचा पती करण सिंह ग्रोव्हर मात्र इंडस्ट्रीत सक्रिय आहे. </p>
1 month ago
8 
