<p style="text-align: justify;"><strong>Ganeshotsav Konkan Toll Waiver News :</strong> आगामी गणेशोत्सवासाठी कोकणासह राज्याच्या विविध ठिकाणी जाणाऱ्या लाखो गणेशभक्तांसाठी राज्य सरकारने अत्यंत मोठा आणि दिलासादायक निर्णय घेतला आहे. यंदा गणेशोत्सवासाठी कोकणात जाणाऱ्या सर्व खासगी वाहनांना आणि एसटी बसना पथकरातून (Toll) पूर्णपणे माफी जाहीर करण्यात आली आहे. तसेच मुंबई-बंगळुरू मार्गावरील वाहनांनाही टोल माफी देण्याचा निर्णय घेण्यात आला आहे. </p>
<p style="text-align: justify;">सार्वजनिक बांधकाम मंत्री शिवेंद्रसिंहराजे भोंसले यांनी याबाबतची अधिकृत माहिती दिली असून, गणेशभक्तांचा प्रवास अत्यंत सुरक्षित, सुलभ आणि आनंददायी व्हावा यासाठी शासनाकडून हे विशेष नियोजन करण्यात आले आहे.</p>
<h2 style="text-align: justify;"><strong>Toll Free Dates And Routes : 11 ते 27 सप्टेंबर दरम्यान 'या' महामार्गांवर टोलमाफी</strong></h2>
<p style="text-align: justify;">राज्य सरकारने दिलेल्या माहितीनुसार, 11 सप्टेंबर ते 27 सप्टेंबर या कालावधीत गणेशभक्तांना टोलमाफीचा लाभ मिळणार आहे. यामध्ये खालील महत्त्वाच्या मार्गांचा समावेश आहे:</p>
<p style="text-align: justify;"><strong>मुंबई–गोवा महामार्ग (NH-66)</strong></p>
<p style="text-align: justify;"><strong><a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a>–बंगळुर महामार्ग (NH-48)</strong></p>
<p style="text-align: justify;"><strong>अटल सेतू (Atal Setu MTHL):</strong> अटल सेतूमार्गे कोकणात जाणाऱ्या गणेशभक्तांनाही टोलमधून सूट देण्यात आली आहे.</p>
<p style="text-align: justify;"><strong>इतर मार्ग:</strong> सार्वजनिक बांधकाम विभाग (PWD) आणि महाराष्ट्र राज्य रस्ते विकास महामंडळाच्या (MSRDC) अखत्यारीत येणाऱ्या संबंधित मार्गांवरही ही सवलत लागू राहील.</p>
<h2 style="text-align: justify;"><strong>Pass System Details : 'गणेशोत्सव 2026 कोकण दर्शन' पास कसा मिळणार?</strong></h2>
<p style="text-align: justify;">टोलमाफीचा लाभ घेण्यासाठी वाहनांवर विशेष स्टिकर/पास लावणे बंधनकारक आहे.</p>
<p style="text-align: justify;"><strong>पासचा प्रकार:</strong> वाहनांवर 'गणेशोत्सव 2026 कोकण दर्शन' (Ganeshotsav 2026 Konkan Darshan) नावाचा पास/स्टिकर लावण्यात येईल.</p>
<p style="text-align: justify;"><strong>पासवरील माहिती:</strong> या पासवर वाहनाचा नोंदणी क्रमांक (Vehicle Number) आणि चालकाचे नाव नमूद असेल.</p>
<p style="text-align: justify;"><strong>पास कुठे मिळणार?</strong>: गणेशभक्तांना हा पास जवळचे पोलीस स्टेशन (Police Station), वाहतूक पोलीस चौक्या (Traffic Police Checkpoints) आणि आरटीओ (RTO) कार्यालयांमध्ये विनामूल्य उपलब्ध करून दिला जाईल.</p>
<p style="text-align: justify;"><strong>परतीचा प्रवास:</strong> हाच पास परतीच्या प्रवासासाठीही पूर्णपणे ग्राह्य धरला जाणार आहे.</p>
<h2 style="text-align: justify;"><strong>ST Bus Waiver : एसटी बसेसनाही टोलमाफी अन् वाहतूक नियोजन</strong></h2>
<p style="text-align: justify;">कोकणात जाणाऱ्या <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a> राज्य मार्ग परिवहन महामंडळाच्या (MSRTC) लालपरी म्हणजेच एसटी बसेसनाही (ST Buses) या पथकरातून पूर्ण सवलत देण्यात आली आहे. पोलीस आणि आरटीओ यांच्या समन्वयातून एसटी बससाठी विशेष पासची व्यवस्था केली जाणार आहे.</p>
<p style="text-align: justify;">महामार्गांवर होणारी प्रचंड वाहतूक कोंडी (Traffic Jam) टाळण्यासाठी पोलीस, वाहतूक पोलीस, परिवहन विभाग आणि एसटी महामंडळ यांच्यात विशेष समन्वय साधून सर्व उपाययोजना अमलात आणल्या जात आहेत.</p>
<p><strong>ही बातमी वाचा:</strong></p>
<ul>
<li><a href="https://marathi.abplive.com/news/mumbai/maharashtra-cabinet-decisions-reservation-policy-sports-pragati-scheme-health-department-cm-devendra-fadnavis-marathi-news-1438460"><strong>Maharashtra Cabinet Decisions : खेळाडूंच्या नोकर भरतीचे सुधारित आरक्षण धोरण मंजूर, राज्य मंत्रिमंडळाचे 7 धडाकेबाज निर्णय</strong></a></li>
</ul>
1 month ago
9 
