Jalgaon Accident News: आजोबांच्या श्राद्धासाठी बहिणीला आणायला निघाला, वाटेतच काळाचा घाला; कंटेनरच्या धडकेत 30 वर्षीय तरुणाचा जागीच मृत्यू

<p style="text-align: justify;"><strong>Jalgaon Accident News:</strong> जळगाव जिल्ह्यातील (Jalgaon District) पाळधी-तरसोद बायपासवर एक दुर्दैवी आणि काळजाचा ठोका चुकवणारी दुर्घटना घडली आहे. आजोबांच्या श्राद्धाच्या निमित्ताने बहिणीला आणण्यासाठी दुचाकीने जळगावकडे जाणाऱ्या 30 वर्षीय तरुणाचा रस्ते अपघातात (Road Accident) जागीच मृत्यू झाला आहे. ललित मनोहर झंवर (वय 30) असे अपघातात प्राण गमावलेल्या तरुणाचे नाव आहे. अवघ्या काही दिवसांवर आलेल्या नवरात्रोत्सवात ज्याच्या लग्नाची तयारी सुरू होती, त्या तरुणाचा असा अचानक अंत झाल्याने झंवर कुटुंबावर दुःखाचा डोंगर कोसळला आहे. &nbsp;&nbsp;</p> <h3 style="text-align: justify;"><strong>Jalgaon Accident News: कंटेनरची दुचाकीला भीषण धडक</strong></h3> <p style="text-align: justify;">याबाबत मिळालेल्या माहितीनुसार, ललित झंवर हे आपल्या दुचाकीने <a title="जळगाव" href="https://marathi.abplive.com/jalgaon" data-type="interlinkingkeywords">जळगाव</a>कडे येत असताना पाळधी येथील टहाकळी फाट्याजवळ पाळधी रेल्वे पुलाजवळ हा अपघात घडला. एका अनियंत्रित कंटेनरने त्यांच्या दुचाकीला भीषण धडक दिली. ही धडक इतकी जोरदार होती की, ललित हे दुचाकीसह रस्त्यावर फेकले गेले. अपघातात त्यांच्या चेहऱ्याला अत्यंत गंभीर दुखापत झाली, तसेच दोन्ही हात आणि पाय फ्रॅक्चर झाले होते. शरीरावर अनेक ठिकाणी खोल जखमा झाल्याने प्रचंड रक्तस्राव झाला आणि वैद्यकीय उपचारांपूर्वीच त्यांचा दुर्दैवी मृत्यू झाला.&nbsp;</p> <h3 style="text-align: justify;"><strong>Jalgaon Accident News: नवरात्रोत्सवात लग्न ठरवण्याचे होते नियोजन</strong></h3> <p style="text-align: justify;">ललित यांच्या घरी आजोबांच्या श्राद्धाचा कार्यक्रम असल्याने ते बहिणीला आणण्यासाठी निघाले होते. आगामी नवरात्रोत्सवात ललित यांच्या लग्नाची बोलणी आणि तयारी करण्याचे नियोजन कुटुंबीयांनी केले होते. मात्र, नियतीच्या मनात काहीतरी वेगळेच होते. या घटनेमुळे संपूर्ण परिसरात आणि नातेवाईकांमध्ये हळहळ व्यक्त केली जात आहे.</p> <h3 style="text-align: justify;"><strong>Jalgaon Accident News: महामार्ग बनतोय मृत्यूचा सापळा</strong></h3> <p style="text-align: justify;">दरम्यान, पाळधी-तरसोद बायपास महामार्गावर अपघातांचे प्रमाण दिवसेंदिवस चिंताजनक पद्धतीने वाढत चालले आहे. गेल्या अवघ्या दोन महिन्यांत या महामार्गावर झालेला हा आठवा बळी ठरला आहे. लागोपाठ होणाऱ्या अपघातांमुळे नागरिक आणि वाहनधारकांमध्ये भीतीचे वातावरण पसले असून, प्रशासनाने या मार्गावरील अपघातांना आळा घालण्यासाठी तात्काळ ठोस उपाययोजना कराव्यात, अशी मागणी आता नागरिकांकडून केली जात आहे.</p> <h3 style="text-align: justify;"><strong>राज्य आणि देश-विदेशातील महत्त्वाच्या बातम्या; पाहा व्हिडीओ</strong></h3> <p style="text-align: justify;"><iframe title="YouTube video player" src="https://www.youtube.com/embed/a5B0FhXuLoY?si=MsmZ4Ga56splxC0K" width="560" height="315" frameborder="0" allowfullscreen="allowfullscreen"></iframe></p> <p style="text-align: justify;"><strong>इतर महत्त्वाच्या बातम्या</strong></p> <p style="text-align: justify;"><strong><a href="https://marathi.abplive.com/crime/pune-crime-news-fursungi-student-elopes-with-hiv-aids-patient-sends-shocking-email-to-family-police-case-registered-1441292">Pune Crime News: 'त्याला एड्स असल्याचे माहिती असूनही मी...'; कॉलेजला जाते सांगून पुण्यातील तरुणी घरातून निघाली; रात्री ई-मेल आला अन् कुटुंबीयांच्या पायाखालची जमीन सरकली</a></strong></p> <p class="abp-article-title" style="text-align: justify;"><strong><a href="https://marathi.abplive.com/crime/raigad-crime-news-young-man-takes-extreme-step-from-takmak-tok-after-sending-last-whatsapp-message-to-wife-1441299">Raigad Crime News: 'मी जीवन संपवतोय', पत्नीला शेवटचा मेसेज पाठवला, मोबाईल बंद केला अन्...; विठूरायाच्या भक्ताने टकमक टोकावरून उडी मारून जीवन संपवलं</a></strong></p>