<p style="text-align: justify;"><strong>Latur News:</strong> पावसाची दिलेली ओढ, डोळ्यांदेखत करपून गेलेले उभे पीक आणि डोक्यावर वाढत गेलेला कर्जाचा बोजा... या भीषण आर्थिक विवंचनेतून लातूर (Latur) जिल्ह्यातील शिरूर अनंतपाळ तालुक्यातील डोंगरगाव बोरी येथील अवघ्या 33 वर्षीय तरुण शेतकऱ्याने टोकाचे पाऊल उचलले आहे. अंकुश रमेश काळे (वय 33) असे जीवनयात्रा संपवलेल्या शेतकऱ्याचे (Farmer) नाव असून, त्यांनी स्वतःच्या शेतात गळफास घेऊन आपले आयुष्य संपवले. या घटनेमुळे संपूर्ण परिसरात हळहळ व्यक्त केली जात आहे.</p>
<h3 style="text-align: justify;"><strong>Latur News: दुहेरी कात्रीत अडकला होता संसार</strong></h3>
<p style="text-align: justify;">याबाबत मिळालेल्या माहितीनुसार, अंकुश काळे यांच्याकडे अवघी दोन एकर शेती (Agriculture Land) होती. पावसाअभावी या दोन एकरांतील पीक पूर्णपणे करपून गेले होते. कुटुंबाचा उदरनिर्वाह चालवण्यासाठी ते इतरांच्या शेतात सालगडी म्हणून मजुरीही करायचे. मात्र, यंदा स्वतःच्या शेतात काही पिकले नाही आणि दुष्काळी परिस्थितीमुळे दुसऱ्यांकडेही मजुरीचे काम मिळेनासे झाले. अशा दुहेरी कत्रीत त्यांचा संसार पूर्णपणे अडकला होता.</p>
<h3 style="text-align: justify;"><strong>Latur News: डोक्यावर 1 लाख 40 हजारांचे कर्ज</strong></h3>
<p style="text-align: justify;">शेतीतील सततचे नुकसान आणि वाढत्या महागाईमुळे त्यांच्यावर मोठे आर्थिक संकट कोसळले होते. अंकुश काळे यांच्यावर <a title="लातूर" href="https://marathi.abplive.com/latur" data-type="interlinkingkeywords">लातूर</a> जिल्हा मध्यवर्ती बँकेचे (Latur District Central Cooperative Bank) 40 हजार रुपये आणि स्टेट बँकेचे (State Bank of India) एक लाख रुपये असे एकूण 1 लाख 40 हजार रुपयांचे कर्ज थकीत होते. हे कर्ज कसे फेडायचे आणि कुटुंबाचा गाडा कसा चालवायचा, या चिंतेत ते गेल्या काही दिवसांपासून प्रचंड तणावाखाली होते.</p>
<h3 style="text-align: justify;"><strong>Latur News: गावात शोककळा, पोलिसांचा तपास सुरू</strong></h3>
<p style="text-align: justify;">अंकुश काळे यांनी हे टोकाचे पाऊल उचलल्याचे समजताच गावकऱ्यांनी शेताकडे धाव घेतली. घटनेची माहिती मिळताच स्थानिक पोलिसांनी (Police) तात्काळ घटनास्थळी दाखल होत पंचनामा केला. त्यांचा मृतदेह उत्तरीय तपासणीसाठी शासकीय रुग्णालयात पाठवण्यात आला आहे. या प्रकरणी नोंद करण्यात आली असून पोलीस पुढील तपास करत आहेत. तरुण शेतकऱ्याच्या अशा अचानक जाण्याने काळे कुटुंबावर दुःखाचा डोंगर कोसळला असून डोंगरगाव बोरी गावावर शोककळा पसरली आहे.</p>
<h3 style="text-align: justify;"><strong>राज्य आणि देश-विदेशातील महत्त्वाच्या बातम्या; पाहा व्हिडीओ</strong></h3>
<p><iframe title="YouTube video player" src="https://www.youtube.com/embed/a5B0FhXuLoY?si=MsmZ4Ga56splxC0K" width="560" height="315" frameborder="0" allowfullscreen="allowfullscreen"></iframe></p>
<p style="text-align: justify;"><strong>इतर महत्त्वाच्या बातम्या</strong></p>
<p style="text-align: justify;"><strong><a href="https://marathi.abplive.com/news/india/nirma-university-viral-video-student-golmaal-dialogue-hod-professor-collar-grab-nsui-protest-warning-ahmedabad-gujarat-marathi-news-1440169">Video: ‘जल्दी बोल, सुबह पनवेल निकलना है’ म्हणताच प्राध्यापक संतापले; विद्यार्थ्याची स्टेजवरच कॉलर पकडली अन्...; नेमकं काय घडलं?</a></strong></p>
<p class="abp-article-title" style="text-align: justify;"><strong><a href="https://marathi.abplive.com/crime/mpsc-drug-inspector-paper-leak-case-four-more-arrested-total-11-accused-mumbai-crime-branch-maharashtra-marathi-news-1440184">MPSC Paper Leak: एमपीएससी औषध निरीक्षक पेपरफुटी प्रकरणात मोठी कारवाई; मुंबई गुन्हे शाखेकडून आणखी 4 जणांना अटक, आरोपींचा आकडा 11 वर</a></strong></p>
1 month ago
2 
