<p class="PlaygroundEditorTheme__paragraph" style="text-align: justify;"><strong><span class="transliteration">Maharashtra School <a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a></span> :</strong> राज्यातील सर्व माध्यमांच्या व सर्व व्यवस्थापनांच्या शाळांमध्ये <span class="transliteration">आता</span> माता -पालक शैक्षणिक मेळाव्याचे आयोजन (Educational Gathering for Parents) करण्या<span class="transliteration">त</span> <span class="transliteration">येणार</span> <span class="transliteration">आहे</span>. शिक्षण आयुक्त <span class="transliteration">यांनी</span> <span class="transliteration">या</span> <span class="transliteration">संदर्भ</span> <span class="transliteration">एक</span> <span class="transliteration">महत्वाचा</span> निर्णय <span class="transliteration">घेतला</span> <span class="transliteration">आहे</span>. अशैक्षणिक कामांचे अधिक शिक्षकांना ओझे असल्याने पालक मेळाव्याच्या आयोजनावर शिक्षक संघटनां<span class="transliteration">नी</span> नाराजी <span class="transliteration">व्यक्त</span> <span class="transliteration">केली</span> <span class="transliteration">होती</span>. एसआयआर, जनगणना त्यासोबतच इतर उपक्रम राबवले जात आहेत. त्यामुळे अध्यापनाला वेळ कमी मिळत असल्याने पालक मेळावा आयोजित केल्याने अधिक अडचण निर्माण होत असल्याची शिक्षक संघटनांची तक्रार <span class="transliteration">होती</span>. <span class="transliteration">परिणामी</span> <span class="transliteration">आता</span> नवीन शैक्षणिक वर्ष 2026-27 च्या सुरुवातीलाच <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a> राज्यातील सर्व शाळांमध्ये 'माता-पालक शैक्षणिक मेळावा' हा उपक्रम एका व्यापक सामाजिक चळवळीच्या रूपात आयोजित करण्यात येत आहे. (Educational Gathering for Parents)</p>
<p class="PlaygroundEditorTheme__paragraph" style="text-align: justify;"><strong><span class="transliteration">Maharashtra School : </span>प्रत्येक शैक्षणिक वर्षात चार वेळा मेळाव्याचे आयोजन, शिक्षक संघटनां<span class="transliteration">मध्ये</span> <span class="transliteration">नाराजीचा</span> <span class="transliteration">सूर</span></strong></p>
<p class="PlaygroundEditorTheme__paragraph" style="text-align: justify;"><span class="transliteration">दरम्यान</span>, प्रत्येक शैक्षणिक वर्षात चार वेळा मेळाव्याचे आयोजन <span class="transliteration">करण्यात</span> <span class="transliteration">येणार</span> <span class="transliteration">आहे</span>. <span class="transliteration">यात</span> जुलै, ऑक्टोबर, जानेवारी व एप्रिल महिन्यात पहिल्या शनिवारी याचे आयोजन करण्यात येईल, <span class="transliteration">अशी</span> <span class="transliteration">माहिती</span> <span class="transliteration">आहे</span>. सदर विशेष मेळाव्याचे आयोजन राज्यातील सर्व माध्यमांच्या आणि सर्व व्यवस्थापनांच्या (शासकीय, स्थानिक स्वराज्य संस्था तसेच खासगी अनुदानित) सर्व प्राथमिक व माध्यमिक शाळांमध्ये प्रत्यक्ष शाळास्तरावर केले जाईल. <span class="transliteration">तर</span> <span class="transliteration">याची</span> जबाबदारी मुख्याध्यापक, शिक्षक आणि शाळा व्यवस्थापन समिती (SMC) <span class="transliteration">यांच्यावर</span> <span class="transliteration">हा</span> <span class="transliteration">मेळावा</span> आयोजित करण्याची प्राथमिक जबाबदारी असेल. <span class="transliteration">मात्र</span>, अशैक्षणिक कामांचे अधिक शिक्षकांना ओझे असल्याने पालक मेळाव्याच्या आयोजनावर शिक्षक संघटनांची नाराजी <span class="transliteration">व्यक्त</span> <span class="transliteration">केली</span> <span class="transliteration">आहे</span>.</p>
<p class="PlaygroundEditorTheme__paragraph" style="text-align: justify;"><strong>Educational Gathering for Parents: माता-पालकांशी थेट संवाद</strong></p>
<p class="PlaygroundEditorTheme__paragraph" style="text-align: justify;"><span class="transliteration">दरम्यान</span>, हा मेळावा शाळांमधील नेहमीची साधी किंवा औपचारिक मासिक सभा म्हणून न ठेवता, माता-पालकांशी थेट संवाद साधण्याचा आणि त्यांच्यामध्ये शैक्षणिक जागृती निर्माण करण्यासाठी एक प्रभावी प्रक्रिया विकसित करण्याच्या दृष्टीने आयोजित करण्यात येणार आहे. <span class="transliteration">यात</span> मोफत पाठ्यपुस्तके, गणवेश, प्रधानमंत्री पोषण शक्ती निर्माण योजना, नवीन अभ्यासक्रम व त्यानुसार पाठ्यपुस्तके, विद्यार्थी लाभाच्या विविध योजना, व्यावसायिक शिक्षक, PAT उपस्थिती भत्ता आणि डिजिटल शिक्षण माहिती मातांपर्यंत पोहोचवणे आवश्यक आहे.</p>
<p class="PlaygroundEditorTheme__paragraph" style="text-align: justify;"><strong>माता पालक शैक्षणिक मेळाव्याचे मुख्य उद्देश <span class="transliteration">काय</span>?</strong></p>
<p class="PlaygroundEditorTheme__paragraph" style="text-align: justify;">1. विद्यार्थ्यांच्या सर्वांगीण विकासासाठी शाळा आणि पालक यांच्यात सुसंवाद व समन्वय असणे (सूचना, तक्रारी व अपेक्षा यावर मुक्त चर्चा, APAAR ID, UDISE + व इतर शैक्षणिक नोंदी, आवश्यक कागदपत्रे व माहिती अद्ययावत ठेवणे. शाळेची ओळख व उद्दिष्टे, शाळेची कार्यपद्धती, ध्येय व मूल्ये)</p>
<p class="PlaygroundEditorTheme__paragraph" style="text-align: justify;">2. विद्यार्थ्यांच्या शैक्षणिक प्रगतीची माहिती पालकांना देणे, (मूल्यमापन पद्धती व परीक्षा वेळापत्रक. वाचन संस्कृती व घरातील अभ्यास, घरी अभ्यासासाठी योग्य वातावरण, वाचनाची सवय विकसित करण्यासाठी उपाय)</p>
<p class="PlaygroundEditorTheme__paragraph" style="text-align: justify;">3. विद्यार्थ्यांची उपस्थिती, उपस्थितीचे महत्व, विद्यार्थ्यांचे वर्तन व अध्ययनातील अडचणी यांवर चर्चा करणे. गळती व गैरहजेरी रोखणे</p>
<p class="PlaygroundEditorTheme__paragraph" style="text-align: justify;">4. विद्यार्थ्यांच्या सर्वांगीण विकासासाठी पालकांचा सहभाग वाढविणे, (आरोग्य व पोषण, विद्यार्थ्यांच्या आरोग्याची काळजी, स्वच्छता, पौष्टिक आहार व सुरक्षितता, बालसुरक्षा व बालहक्क, बाल संरक्षण.)</p>
<p class="PlaygroundEditorTheme__paragraph" style="text-align: justify;">5. शासनाच्या विविध शैक्षणिक योजनांची माहिती पालकांपर्यंत पोहोचविणे. (विविध योजना, वार्षिक नियोजन, शाळेतील महत्त्वाचे कार्यक्रम, स्नेहसंमेलन, सहल, स्पर्धा व उपक्रमांची माहिती प्राथमिक, माध्यमिक असे शाळांचे प्रकार लक्षात घेता विषयांत आवश्यकतेनुसार बदल करावा इत्यादी)</p>
<p class="PlaygroundEditorTheme__paragraph" style="text-align: justify;">6. माता-पालकांनी शैक्षणिक कामकाज, शैक्षणिक उपक्रम यामध्ये सहभागी होणे.</p>
<p class="PlaygroundEditorTheme__paragraph" style="text-align: justify;"><strong>इतर महत्वाच्या बातम्या </strong></p>
<ul>
<li class="abp-article-title"><strong><a href="https://marathi.abplive.com/news/politics/mumbai-bank-election-shiv-sena-enters-the-stronghold-of-bjp-pravin-darekar-and-prasad-lad-will-devendra-fadnavis-eknath-shinde-face-off-in-cooperative-sector-marathi-news-1437405">Mumbai Bank Election: भाजपच्या दरेकर-प्रसाद लाडांच्या बालेकिल्ल्यात शिवसेनेची एन्ट्री, मुंबै बँकेच्या निवडणुकीत पॅनल उतरवणार, सहकार क्षेत्रात फडणवीस-शिंदे सामना रंगणार?</a></strong></li>
</ul>
<p><iframe title="YouTube video player" src="https://www.youtube.com/embed/0Ch9YA_hOcQ?si=GZhoK5p3qkMqAJgK" width="560" height="315" frameborder="0" allowfullscreen="allowfullscreen"></iframe></p>
2 months ago
5 
