Nitin Gadkari On Mumbai Goa Highway : मुंबई-गोवा महामार्ग १६-१७ वर्षे रखडल्याबद्दल लाज वाटते, उद्घाटनाला जाणार नाही

<p>Nitin Gadkari On Mumbai Goa Highway : मुंबई-गोवा महामार्ग १६-१७ वर्षे रखडल्याबद्दल लाज वाटते, उद्घाटनाला जाणार नाही</p> <p>मुंबई-गोवा महामार्गाच्या रुंदीकरणाला होणाऱ्या विलंबाची मला लाज वाटते. हे काम 2016 पर्यंत पूर्ण होणे अपेक्षित होते, परंतु 15 वर्षांत केवळ 94 टक्के काम पूर्ण झालं असल्याचे केंद्रीय रस्ते वाहतूक आणि महामार्ग मंत्री नितीन गडकरी यांनी म्हटलं आहे. गडकरी यांनी पणजी येथील सहा पदरी उन्नत मार्गाच्या उद्घाटन समारंभात हे विधान केले. ते म्हणाले, "महामार्ग पूर्ण झाल्यावर मी उद्घाटन समारंभाला उपस्थित राहणार नाही. मला अशा कंत्राटदारांना काळ्या यादीत टाकण्याचा विक्रम प्रस्थापित करायचा आहे. यावर्षी 22 जुलै रोजी गडकरी यांनी राज्यसभेला माहिती दिली की, गेल्या तीन वर्षांत राष्ट्रीय महामार्ग बांधकामातील निकृष्ट दर्जाच्या कामासाठी 103 कंत्राटदार आणि कंपन्यांना काळ्या यादीत टाकून दंड ठोठावण्यात आला आहे.मुंबई-गोवा महामार्गाच्या रुंदीकरणाचे काम 2011 मध्ये सुरू झाले. तरीही ते अपूर्णच राहिले आहे. या 440 किलोमीटरच्या पट्ट्याचे काम पूर्ण होऊनही, खड्डे, पाणी साचणे, दुरुस्ती आणि वाहतूक कोंडी यांसारख्या समस्या कायम आहेत. महामार्गावरील खारपाडा टोल प्लाझावर मे महिन्यात टोल वसुली सुरू झाली. असे असूनही, प्रकल्पाच्या काही भागांवर काम आणि सुधारणा सुरू आहेत. महामार्गावर बांधलेला एक उड्डाणपूल 2021 मध्ये कोसळला, ज्यामुळे सुरक्षेबाबत चिंता निर्माण झाली.</p>