Pradeep Purnekar Death Case: प्रदीप पूर्णेकर प्रकरणातील अल्टो कार जप्त, जिकडे गाडी सोडून दिलेली, ती जागा पाहून पोलिसही चक्रावले!

<p class="abp-article-slug"><strong>Thane Shivsena UBT Pradeep Purnekar Death Case:&nbsp;</strong>ठाण्यातील शिवसेना ठाकरे गटाचे पदाधिकारी प्रदीप पूर्णेकर (Pradeep Purnekar) यांच्या हत्येनंतर मोठी राजकीय खळबळ उडाली. पूर्णेकरांच्या मारेकऱ्यांना शोधण्यासाठी तपास यंत्रणा कामाला लागल्या असतानाच यंत्रणांच्या हाती मोठं यश आलं आहे. या प्रकरणातील महत्त्वाचा पुरावा क्राईम ब्रान्चच्या हाती लागलं आहे. एक पिस्तुल आणि मोबाईल क्राईम ब्रान्चनं हस्तगत केलंय. मुंबई-गोवा महामार्गावर कर्नाळा जवळ हे पुरावे पोलिसांच्या हाती लागले आहेत. (Shivsena UBT Pradeep Purnekar Death Case)</p> <p>प्रदीप <a title="पुणे" href="https://marathi.abplive.com/news/pune" data-type="interlinkingkeywords">पुणे</a>कर हत्या प्रकरणात आरोपी नितेश पवार याने गुन्ह्यात वापरलेला मोबाईल आणि गावठी पिस्तूल पोलिसांनी कर्नाळा येथून हस्तगत केले आहे. खंडणी विरोधी पथक आणि गुन्हे शाखेच्या पथकाने ही कारवाई करत आरोपीसह जप्त केलेला मुद्देमाल ताब्यात घेतला आहे.तसेच, या गुन्ह्यात आरोपीने वापरलेली अल्टो कारदेखील पोलिसांनी जप्त केली आहे. सदर अल्टो कार एमजीएम रुग्णालयापासून काही अंतरावर उभी करून ठेवण्यात आली असल्याची माहिती पोलीस सूत्रांनी दिली आहे. या प्रकरणी पोलीस अधिक तपास करत आहेत. (Shivsena UBT Pradeep Purnekar Death Case)</p> <h2>कर्नाळा जंगलात काय घडलं? (Thane Pradeep Purnekar Case)</h2> <p>पूर्णेकरांची हत्या करण्यासाठी वापरण्यात आलेलं <a title="रायगड" href="https://marathi.abplive.com/raigad" data-type="interlinkingkeywords">रायगड</a> जिल्ह्यातील कर्नाळा जंगलात फेकलेलं हे पिस्तूल आणि आरोपीचा मोबाईल पोलिसांनी जप्त केला आहे. आरोपी निखिल यादव आणि आरोपी नितेश पवार उर्फ भावड्या यांच्यावर सदर प्रकरणातील हत्यारे लपवण्याची जबाबदारी होती. हत्या केल्यानंतर आरोपी संतोष कनोजिया उर्फ टल्ली, अनोळखी हल्लेखोर, नितेश पवार उर्फ भावड्या आणि निखिल यादव हे अल्टो गाडीतून फरार झाले होते. ⁠कल्याण फाटा येथे आरोपी निखिल यादव आणि नितेश पवार उर्फ भावड्या अल्टो गाडीतून उतरले आणि ⁠तिथून ते <a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a> - गोवा हायवेच्या दिशेने निघाले रस्त्यात त्यांनी कर्नाळा येथे हत्यारं लपवली आणि पुढे गेले होते. आता हीच हत्यारं पोलिसांनी ताब्यात घेतली आहेत.</p> <h2>प्रदीप पूर्णेकर हत्या प्रकरणाच्या निषेधार्थ ठाण्यात शांततापूर्ण मोर्चा- (Shivsena UBT Pradeep Purnekar)</h2> <p>प्रदीप पूर्णेकर हत्या प्रकरणाच्या निषेधार्थ विरोधकांकडून 9 ऑक्टोबरला ठाण्यात शांततापूर्ण मोर्चा काढण्यात येणार आहे, ठाकरेंची शिवसेना, मनसे, काँग्रेस आणि शरद पवारांची राष्ट्रवादीही मोर्चात सहभागी होणार आहे, <a title="ठाणे" href="https://marathi.abplive.com/thane" data-type="interlinkingkeywords">ठाणे</a> महापालिका आयुक्त कार्यालयापासून पोलीस आयुक्तालयापर्यंत मोर्चा काढण्यात येणार आहे, ठाण्यातील वाढती गुन्हेगारी आणि ड्रग्ज माफियांच्या विरोधात आक्रमक भूमिका घेत मोर्चाचे आयोजन करण्यात आले आहे. पूर्णेकर हत्येच्या तपासासाठी पोलिसांनी एसआयटी स्थापन केली असून आतापर्यंत आरोपींना अटक आणि वाहनांची जप्ती करण्यात आली आहे. पूर्णेकर हत्या प्रकरणात सुपारी देऊन नियोजित हत्या झाल्याचा दावा पोलिसांनी न्यायालयात केलाय, तर आरोपींच्या संपर्काचा सीडीआर तपासात महत्त्वाचा ठरला आहे.</p> <h2>नेमकं प्रकरण काय? (Shivsena UBT Pradeep Purnekar Death Case)</h2> <p>ठाण्यातील शिवसेना उद्धव बाळासाहेब ठाकरे पक्षाचे विभागप्रमुख प्रदीप (बाळा) पूर्णेकर यांच्यावर 29 सप्टेंबर रोजी रात्री साधारण साडेनऊच्या सुमारास पाच हल्लेखोरांनी शिरुन पिस्तुलमधून सात राऊंड फायर केले. त्यापैकी चार गोळ्या प्रदीप पूर्णेकर यांच्या शरीरात घुसल्या. पूर्णेकर यांचे कार्यकर्ते कार्यालयात पोहोचले तेव्हा ते रक्ताच्या थारोळ्यात पडले होते. त्यांचा तातडीने नजीकच्या रुग्णालयात नेण्यात आले. मात्र, उपचारापूर्वीच त्यांचा मृत्यू झाला. प्रदीप पूर्णेकर यांच्या कुटुंबीयांनी ठाण्याच्या माजी महापौर मिनाक्षी शिंदे आणि त्यांच्या पतीवर हत्येचा कट रचल्याचा आरोप केला आहे.</p> <h2 class="style-scope ytd-watch-metadata">पूर्णेकर प्रकरणातील अल्टो कारचे मालक विजय पाटील काय म्हणाले?, VIDEO:</h2> <p><iframe title="YouTube video player" src="https://www.youtube.com/embed/NXCr0S5UQaI?si=iKTUHz2yoAhXXZSb" width="560" height="315" frameborder="0" allowfullscreen="allowfullscreen"></iframe></p> <h2>संबंधित बातमी:</h2> <p class="abp-article-title"><strong><a href="https://marathi.abplive.com/crime/pradeep-purnekar-thane-shivsena-ubt-pradeep-purnekar-death-case-latest-marathi-news-1441177">Thane Shivsena UBT Pradeep Purnekar Death Case: एक तरुणी दोन मुलांसोबत खोलीत आढळली अन्...; प्रदीप पूर्णेकर मृत्यू प्रकरणात सगळ्यात मोठा ट्विस्ट</a></strong></p>