<p style="text-align: justify;"><strong><a title="मुंबई" href="https://marathi.abplive.com/news/mumbai" data-type="interlinkingkeywords">मुंबई</a> :</strong> अन्नाच्या भेसळविरोधात मोर्चा उघडणारे धडाडीचे आयएएस अधिकारी तुकाराम मुंढेंच्या ताज्या सोशल मीडिया पोस्टमुळे दसरा-दिवाळीच्या तोंडावर राज्यातल्या नागरिकांना मोठा दिलासा मिळाला आहे. आपली बदली झाली नसून आपण एफडीए विभागातच कार्यरत असल्याचं त्यांनी स्पष्ट केलं. तसेच अन्नाच्या भेसळीविरोधात आपली लढाई सुरूच राहील असंही मुंढे यांनी म्हटलं आहे. त्यामुळे सणासुदीच्या काळात लोकांना किमान सुरक्षित अन्न मिळण्याच्या हमीची शक्यता आहे. </p>
<p style="text-align: justify;">महाराष्ट्र लोकसेवा आयोगातील पेपरफुटीविरोधात आणि अध्यक्ष विवेक भीमनवार यांच्या राजीनाम्यासाठी पुण्यामध्ये जवळपास 11 दिवस विद्यार्थ्यांनी आंदोलन पुकारलं होतं. सोमवारी (12 ऑक्टोबर) मध्यरात्रीच्या सुमारास मंत्री शिवेंद्रराजे यांच्या शिष्टाईमुळे हे आंदोलन मागे घेण्यात आलं. एमपीएससीमध्ये झालेल्या गैरकारभाराची चौकशी करण्यासाठी सरकारने एक चौकशी समिती नेमली आहे. या चौकशी समितीच्या सचिवपदी तुकाराम मुंढे यांची नियुक्ती करण्यात आली आहे.</p>
<h2 style="text-align: justify;"><strong>Tukaram Mundhe Transfer News : बदलीच्या चर्चेमुळे संभ्रम</strong></h2>
<p style="text-align: justify;">राज्य शासनाच्या घोषणेनंतर काहीकाळ संभ्रमाचं वातावरण निर्माण झाल्याचं दिसून आलं. एमपीएससीच्या सचिवपदी तुकाराम मुंढे यांची नियुक्ती झाल्याच्या बातम्या पसरल्या. त्यानंतर अन्न आणि औषध विभागाचं काय होणार? राज्यातील अन्नाच्या भेसळीविरोधातील लढाईचं काय होणार? तुकाराम मुंढेंच्या बदलीनंतर ही लढाई कायम राहणार का? असे अनेक प्रश्न विचारण्यात येऊ लागले.</p>
<p style="text-align: justify;">मात्र, तुकाराम मुंढे यांची बदली झाली नाही, त्यांनी फक्त एमपीसएसीच्या चौकशी समितीच्या सचिवपदी नियुक्ती करण्यात आली आहे असं सरकारने स्पष्ट केलं. त्यानंतर आता खुद्द तुकाराम मुंढे यांनीच सोशल मीडियावर एक पोस्ट लिहून त्यावर स्पष्टीकरण दिलं आहे. </p>
<h2 style="text-align: justify;"><strong>Tukaram Mundhe Post : भेसळविरोधातील लढाई सुरूच राहणार</strong></h2>
<p style="text-align: justify;">तुकाराम मुंढे यांनी त्यांच्या पोस्टमध्ये लिहिलंय की, "माझी FDA मधून बदली झालेली नाही. मी अन्न व औषध प्रशासन, <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a> येथे आयुक्त म्हणून कार्यरत आहे. भेसळयुक्त अन्न आणि निकृष्ट औषधांविरुद्धची आमची लढाई सुरूच आहे."</p>
<p style="text-align: justify;">दरम्यान, तुकाराम मुंढेंच्या या पोस्टनंतर राज्यातील भेसळखोरांचे धाबे पुन्हा एकदा दणाणले आहेत. त्यामुळे आगामी दसरा आणि दिवाळीच्या तोंडावर लोकांना शुद्ध आणि सुरक्षित अन्न, मिठाई मिळण्याची शाश्वती आहे. </p>
<p style="text-align: justify;"><strong>MPSC चौकशी समितीत 5 सदस्य</strong></p>
<p style="text-align: justify;">1) प्रशासकीय अधिकारी - तुकाराम मुंढे, सचिव </p>
<p style="text-align: justify;">2) <a title="बीड" href="https://marathi.abplive.com/beed" data-type="interlinkingkeywords">बीड</a>ी नाईक, अध्यक्ष</p>
<p style="text-align: justify;">3) गणेश पाटील </p>
<p style="text-align: justify;">4) पोलीस अधिकारी - लखमी गौतम</p>
<p style="text-align: justify;">5) उच्च न्यायालयाचे न्यायाधीश - दिलीप भोसले</p>
<p style="text-align: justify;"><strong>ही बातमी वाचा :</strong></p>
<ul>
<li style="text-align: justify;"><a href="https://marathi.abplive.com/news/politics/chief-justice-of-india-surya-kant-has-declined-permission-for-congress-leaders-rahul-gandhi-mallikarjun-kharge-and-others-to-meet-him-1442075"><strong>Tukaram Mundhe : मोठी बातमी! तुकाराम मुंढे MPSC चौकशी समितीचे सचिव, मुख्यमंत्री विद्यार्थ्यांच्या मागण्यांबाबत सकारात्मक; शिवेंद्रराजेंची घोषणा; तर भीमनवार अध्यक्षपदी नकोत, रोहित पवारांची मागणी</strong></a></li>
</ul>
2 weeks ago
4 
