<p class="PlaygroundEditorTheme__paragraph" style="text-align: justify;"><strong>Vidarbha Rain </strong>विदर्भाच्या दृष्टीने संपूर्ण आगस्ट महिना हा दुष्काळी महिना ठरला <span class="transliteration">आहे</span>. एकट्या आगस्ट महिण्यात विदर्भात पावसाची तूट (Vidarbha Rain Deficit) हि 58 टक्के नोंदविली गेली. संत्रा पट्टा म्हणून ओळखल्या जाणाऱ्या नागपूर जिल्ह्यत हि तूट 71 टक्के व अमरावती जिल्यात 82 टक्के आहे. त्याचा परिणाम संत्रा पिकावर पडला आहे. मुबलक पाऊस न झाल्यामुळे संत्र्याची (Orange Crops) मोठ्या प्रमाणात गळ सुरु झाली आहे. मागच्या दोन आठवड्या 25 ते 30 टक्के झाडावरचा <span class="transliteration">बहर</span> गळून पडला आहे. भविष्यत पाऊस आला नाही तर हि गळ 80 <span class="transliteration">टक्क्यांपर्यंत</span> जाण्याची भीती शेतकऱ्यांना आहे. त्यातच एक महिण्यापासून असलेले सलगचे ढगाळ वातावरण त्यामुळे संत्रा पिकाला बुरशीजन्य रोगाची लागण झाल्याने हि गळ वेगाने होत आहे.</p>
<p class="PlaygroundEditorTheme__paragraph" style="text-align: justify;"><strong>Vidarbha Rain Deficit Issue: दुष्काळी आगस्ट महिना; विदर्भात तब्बल 58 टक्के पावसाची तूट</strong></p>
<p class="PlaygroundEditorTheme__paragraph" style="text-align: justify;">या वर्षीचा आगस्ट महिना अक्षरशः दुष्कळी महिना ठरला <span class="transliteration">आहे</span>. <span class="transliteration">परिणामी</span> त्याचा परिणाम पिकांवर <span class="transliteration">आणि</span> जलसाठ्यावर झाल्याचे दिसून <span class="transliteration">येतंय</span>. 1 ते 31 ऑगस्ट 2026 या कालावधीत विदर्भात केवळ 125.5 मिमी पाऊस नोंदविण्यात आला. या कालावधीत विदर्भाची सरासरी पर्जन्यमानाची अपेक्षा 297.1 मिमी होती. त्यामुळे ऑगस्टमध्ये विदर्भात तब्बल 58 टक्के पावसाची तूट नोंदविण्यात आली <span class="transliteration">आहे</span>. ऑगस्टमधील पावसाची सर्वाधिक तूट <a title="अकोला" href="https://marathi.abplive.com/news/akola" data-type="interlinkingkeywords">अकोला</a> जिल्ह्यात 84 टक्के असून, तेथे केवळ 33.5 मिमी पाऊस झाला<span class="transliteration">य</span>. अमरावतीत 46.4 मिमी पावसासह 82 टक्के, तर <a title="यवतमाळ" href="https://marathi.abplive.com/topic/yavatmal" data-type="interlinkingkeywords">यवतमाळ</a>मध्ये 54.1 मिमी पावसासह 78 टक्के तूट राहिली<span class="transliteration">य</span>.</p>
<p class="PlaygroundEditorTheme__paragraph" style="text-align: justify;"><strong>नागपूर जिल्ह्यातही ऑगस्टमध्ये पावसाची मोठी कमतरता; केवळ 83.6 मिमी पाऊस</strong></p>
<p class="PlaygroundEditorTheme__paragraph" style="text-align: justify;">नागपूर जिल्ह्यातही ऑगस्टमध्ये पावसाची मोठी कमतरता राहिली. जिल्ह्यात केवळ 83.6 मिमी पाऊस झाला असून, सरासरी 286.4 मिमीच्या तुलनेत 71 टक्के तूट नोंदविण्यात आली. <a title="वर्धा" href="https://marathi.abplive.com/topic/wardha" data-type="interlinkingkeywords">वर्धा</a> जिल्ह्यात 65.5 मिमी पाऊस झाला असून तूट 73 टक्के, तर <a title="वाशिम" href="https://marathi.abplive.com/topic/washim" data-type="interlinkingkeywords">वाशिम</a>मध्ये 62.6 मिमी पावसासह 71 टक्के तूट राहिली <span class="transliteration">आहे</span>. <a title="चंद्रपूर" href="https://marathi.abplive.com/topic/chandrapur" data-type="interlinkingkeywords">चंद्रपूर</a>मध्ये 159 मिमी पाऊस झाला असून तूट 55 टक्के, बुलढाण्यात 76.1 मिमी पावसासह 61 टक्के, तर भंडाऱ्यात 207 मिमी पाऊस झाला असून तूट 43 टक्के आहे. तुलनेने गडचिरोली आणि गोंदिया जिल्ह्यांत ऑगस्टमधील पावसाची स्थिती काहीशी चांगली राहिली. गडचिरोलीत 293.6 मिमी पाऊस झाला असून तूट 32 टक्के, तर <a title="गोंदिया" href="https://marathi.abplive.com/topic/gondia" data-type="interlinkingkeywords">गोंदिया</a>त 295 मिमी पाऊस झाला असून तूट 28 टक्के आहे.</p>
<p class="PlaygroundEditorTheme__paragraph" style="text-align: justify;"><strong>पश्चिम विदर्भासह उर्वरित <span class="transliteration">जिल्ह्यात</span> पिकांची अंत्यत दयनीय अवस्था, विदर्भातील धरणांमध्ये सुमारे 62 टक्के जलसाठा</strong></p>
<p class="PlaygroundEditorTheme__paragraph" style="text-align: justify;">यामुळे पश्चिम विदर्भासह उर्वरित पिकांची अंत्यत दयनीय अवस्था आहे. संत्रा, उडीद, मुंग, काही भागात कपाशी, सोयाबीन पीक नामशेष होण्याच्या मार्गावर आहे. 3 सप्टेंबर 2026 रोजी विदर्भातील धरणांमध्ये सुमारे 62 टक्के जलसाठा शिल्लक आहे. नागपूर विभागातील धरणांचा जलसाठा 63.06 टक्के, तर <a title="अमरावती" href="https://marathi.abplive.com/news/https://marathi.abplive.com/news/amravati" data-type="interlinkingkeywords">अमरावती</a> विभागातील धरणांमध्ये 63.04 टक्के पाणीसाठा आहे.</p>
<p class="PlaygroundEditorTheme__paragraph" style="text-align: justify;"><strong>Gondia: ढगाळ वातावरणाचा धान पिकाला फटका; रोगकिडींचा प्रादुर्भाव वाढला</strong></p>
<p class="PlaygroundEditorTheme__paragraph" style="text-align: justify;">गोंदिया जिल्ह्यात गेल्या आठवडाभरापासून ढगाळ वातावरण आणि अधूनमधून सुरू असलेल्या पावसामुळे धान पिकावर रोगकिडींचा प्रादुर्भाव वाढला आहे. रोगकिडींमुळे धानाच्या रोपांचे नुकसान होण्याची शक्यता असल्याने शेतकऱ्यांची चिंता वाढली आहे. रोगकिडींचा प्रादुर्भाव आटोक्यात आणण्यासाठी शेतकरी शेतात कीटकनाशकांची फवारणी करताना दिसून येत आहेत. <span class="transliteration">परिणामी</span>, हातातोंडाशी आलेले धानाचे पीक खोडकीडीमुळे वाया जाऊ नये, यासाठी शेतकऱ्यांची धडपड सुरू आहे.</p>
<p class="PlaygroundEditorTheme__paragraph" style="text-align: justify;"><strong>इतर महत्वाच्या बातम्या </strong></p>
<ul>
<li class="abp-article-title"><strong><a href="https://marathi.abplive.com/news/politics/dj-ban-in-nagpur-upto-1-november-vishwas-nangre-patil-decision-mla-pravin-datke-anger-reaction-on-police-sandip-joshi-remarks-divergent-views-within-the-bjp-marathi-news-1437895">DJ Ban: 'फक्त हिंदूंच्याच सणांच्या वेळेला DJ बंदी का?' आमदार प्रवीण दटकेंचा सवाल, तर संदीप जोशी म्हणाले, 'त्यांनी शेण खाल्ले म्हणून...; नागपूरात DJ बंदीवरून भाजपमध्येच वेगवेगळे सूर</a></strong></li>
</ul>
<p class="PlaygroundEditorTheme__paragraph"> </p>
<p><iframe title="YouTube video player" src="https://www.youtube.com/embed/e_nWYrBIm5A?si=8eyf80nYqvNdXjc-" width="560" height="315" frameborder="0" allowfullscreen="allowfullscreen"></iframe></p>
1 month ago
6 
