राज्यात पाऊस पडणार की नाही? पुढील पाच दिवस कसं असेल हवामान? कोणत्या जिल्ह्यात काय स्थिती?

<p style="text-align: justify;"><strong>Maharashtra Rain News :</strong> राज्यात पावसानं दडी मारल्यानं शेतकरी चिंतेत आहेत. पावसाळा सुरु होऊन तीन महिन्यांचा कालावधी लोटला तरी देखील राज्यातील बहुतांश भागात चांगला पाऊस पडलेला नाही. त्यामुळं खरीपाची पिकं वाया जात आहेत. अशातच हवामान विभागानं पुढील पाच दिवसांचा अंदाज जाहीर केला आहे.&nbsp;<br />राज्यात पावसाने पुन्हा उघडीप दिली असून, मॉन्सूनचे प्रवाह कमकुवत झाल्यामुळे पुढील काही दिवस पावसाची स्थिती फारशी बदलण्याची शक्यता नाही. काही भागांत ढगाळ हवामानासह हलक्या सरी पडतील, मात्र त्या सर्वदूर नसतील. त्यामुळे पावसाच्या प्रतीक्षेत असलेल्या खरीप पिकांची चिंता आणखी वाढण्याची शक्यता आहे.</p> <h2 style="text-align: justify;">राज्यातील 10 जिल्ह्यांमध्ये तुरळक ठिकाणी विजांसह हलक्या पावसाची शक्यता&nbsp;</h2> <p style="text-align: justify;">नाशिक घाटमाथा<br />नाशिक<br />नंदुरबार<br />धुळे<br />जळगाव<br /><a title="छत्रपती संभाजीनगर" href="https://marathi.abplive.com/news/chhatrapati-sambhaji-nagar" data-type="interlinkingkeywords">छत्रपती संभाजीनगर</a><br />जालना<br />परभणी<br /><a title="सोलापूर" href="https://marathi.abplive.com/solapur" data-type="interlinkingkeywords">सोलापूर</a><br />&nbsp;<a title="सांगली" href="https://marathi.abplive.com/sangli" data-type="interlinkingkeywords">सांगली</a></p> <p style="text-align: justify;">या जिल्ह्यांमध्ये तुरळक ठिकाणी विजांसह हलक्या सरी पडण्याची शक्यता आहे.</p> <p style="text-align: justify;"><strong>उर्वरित महाराष्ट्रात काय स्थिती?</strong></p> <p style="text-align: justify;">उर्वरित राज्यात ढगाळ हवामानासह तुरळक ठिकाणी हलक्या सरी पडण्याची शक्यता आहे. मात्र पावसाच्या या सरी सर्वदूर नसल्यामुळे शेतकऱ्यांना अपेक्षित असा दमदार आणि सर्वत्र पाऊस मिळण्याची शक्यता कमी आहे.</p> <p style="text-align: justify;"><strong>पुढील पाच दिवस पावसाचा अंदाज काय?</strong></p> <p style="text-align: justify;"><strong>हवामान विभागाच्या अंदाजानुसार पुढील पाच दिवस राज्यात पावसाची उघडीप कायम राहण्याची शक्यता आहे.</strong></p> <p style="text-align: justify;">6 सप्टेंबर&nbsp;</p> <p style="text-align: justify;">▪नाशिक<br />▪ धुळे<br />▪️ नांदेड</p> <p style="text-align: justify;"><strong>तुरळक ठिकाणी हलक्या सरी.</strong></p> <p style="text-align: justify;">७ सप्टेंबर&nbsp;</p> <p style="text-align: justify;">▪️ नंदुरबार<br />▪️ धुळे<br />▪️ नाशिक<br />▪️ अहिल्यानगर<br />▪️ <a title="जळगाव" href="https://marathi.abplive.com/jalgaon" data-type="interlinkingkeywords">जळगाव</a><br />▪️ जालना<br />▪️ हिंगोली<br />▪️ <a title="नांदेड" href="https://marathi.abplive.com/topic/nanded" data-type="interlinkingkeywords">नांदेड</a></p> <p style="text-align: justify;"><strong>&nbsp;तुरळक ठिकाणी हलक्या पावसाची शक्यता.</strong></p> <p style="text-align: justify;">8 सप्टेंबर&nbsp;</p> <p style="text-align: justify;">▪️ <a title="नाशिक" href="https://marathi.abplive.com/topic/nashik" data-type="interlinkingkeywords">नाशिक</a><br />▪️ जालना</p> <p style="text-align: justify;">तुरळक ठिकाणी हलक्या सरींचा अंदाज.</p> <p style="text-align: justify;">म्हणजेच पुढील काही दिवसांत पावसाचा जोर वाढण्यापेक्षा उघडीप आणि तुरळक हलक्या सरी राहण्याची शक्यता अधिक आहे.</p> <h2 style="text-align: justify;"><strong>खरीप पिकांची चिंता वाढणार?</strong></h2> <p style="text-align: justify;">राज्यात अनेक भागांमध्ये आधीच पावसाचा मोठा खंड पडला आहे. हलक्या आणि तुरळक सरींमुळे काही ठिकाणी तात्पुरता दिलासा मिळू शकतो; मात्र पावसावर पूर्णपणे अवलंबून असलेल्या कोरडवाहू पिकांसाठी दमदार पावसाची गरज कायम आहे. पावसाची उघडीप आणखी वाढल्यास पिकांवरील पाण्याचा ताण वाढण्याची शक्यता आहे.</p> <h2 style="text-align: justify;"><strong>पाऊस का कमी?</strong></h2> <p style="text-align: justify;">सध्या मॉन्सूनचा प्रवाह कमकुवत असल्यामुळे <a title="महाराष्ट्र" href="https://marathi.abplive.com/news/maharashtra" data-type="interlinkingkeywords">महाराष्ट्र</a>ात पावसाची उघडीप दिसत आहे. उत्तर मध्य प्रदेश आणि लगतच्या दक्षिण उत्तर प्रदेशात ठळक कमी दाबाचे क्षेत्र कायम आहे. या प्रणालीशी संबंधित चक्राकार वाऱ्यांची स्थिती समुद्रसपाटीपासून 7.6 किलोमीटर उंचीपर्यंत विस्तारली आहे. हवामान विभागाच्या अंदाजानुसार हे कमी दाबाचे क्षेत्र पुढील दोन दिवस जवळपास त्याच भागात स्थिर राहण्याची शक्यता आहे.</p>